Маркус Рэшфорд Англияда қолишни режалаштирмаяпти.
The Athletic журналисти Дэвид Орнстейннинг маълум қилишича, 27 ёшли форвард ёзда "Манчестер Юнайтед"ни тарк этадиган бўлса, хорижга кўчиб ўтишни маъқул кўрмоқда.
Клуб Рэшфордни сотмоқчи. Футболчининг ўзи кетишга қарши эмас, Маркус ҳам ижара ёки айирбошлаш вариантига очиқ, агар мос таклиф пайдо бўлса - у совринлар учун курашишни хоҳлайди.
Англиялик 7 июль куни "МЮ" билан мавсумолди машғулотларига қайтади.
Аввалроқ, "Барселона" ушбу трансфер ойнасида футболчини ўз сафига қўшиб олиши мумкинлиги ҳақида хабарлар тарқалган эди.
