"Астон Вилла" форварди "Манчестер Юнайтед" шорт-листидан жой олган.

The Athletic нашри тарқатган хабарга кўра "қизил иблислар" раҳбарияти ёзги трансферлар вақтида ҳужум чизиғини қайта қуриш ҳақида бош қотирмоқда. Агар Расмус Хёйлунд жамоани тарк этса, "Астон Вилла"дан Олли Уоткинсни олиб келишга ҳаракат қилиши мумкин. Клублар ўртасида эҳтимолий трансферни ўрганиш мақсадида дастлабки алоқалар ўрнатилган.

Ўтган мавсумда Олли Уоткинс "Астон Вилла" сафида барча мусобақаларда 54 та ўйинда майдонга тушиб, 17 та гол ва 14 та голли узатмага муаллифлик қилган. У клуб сафида 223 та ўйинда майдонга тушиб, 87 та гол ва 42 та голли узатмани амалга оширган. Transfermarkt сайтида унинг нархи 40 млн еврога баҳоланмоқда.