"Ювентус" Жэйдон Санчо трансфери устида ишламоқда.
Инсайдер Фабрицио Романонинг хабар беришича, туринликлар ўтган ҳафта "Манчестер Юнайтед" билан икки марта мулоқот қилган, шунингдек, вингернинг атрофидагилар билан алоқага киришган.
Қайд этилишича, "Бьянконерилар" манкунианликларни Дуглас Луис, Душан Влахович ва Тимоти Веанинг мавжудлиги ҳақида хабардор қилган ва уларни эҳтимолий битимга жалб қилишга тайёр. "МЮ" ҳозирча бу футболчилар билан мулоқот қилгани йўқ.
"Ювентус" Санчони сотиб олишга тайёр, аммо унга ҳозир инглиз олаётган маошни тўлиқ тўлашни истамайди. Бу трансфер йўлидаги асосий тўсиқ деб аталади.
