Нико Ковач "Боруссия"нинг клублар ўртасидаги жаҳон чемпионати 1/8 финалида "Монтеррей" устидан қозонилган ғалабаси (2:1) ҳақида гапирди.
Германия клуби АҚШдаги турнирнинг чорак финалида "Реал"га қарши майдонга тушади.
"Биз кутганимиздек оғир ўйин бўлди. Биринчи бўлимда яхши ўйнадик, яна бир-иккита гол уришимиз керак эди. Иккинчи бўлимда биз яхши ҳимояландик, бу зарур эди. Рақиб бизга босим ўтказди, лекин менимча, биз уларга кўп имконият бердик.
Танаффусдан кейин етарлича тажовузкор бўлмадик, юқори босим бўлмади. Якунда мақсадимизга эришдик. "Реал"га қарши ўйин биз учун бонус ва катта чақирув", - деди дортмундлик клуб бош мураббийи.
