Чоршанба куни ҳужумчи Оливье Жиру "Лилль" футболчиси сифатида таништирилди. 38 ёшли француз клубда 9-рақамли футболкани олди ва у энди шу рақам остида майдонга тушади.
Бунгача "Лилль"да бу рақамда Жонатан Дэвид ўйнаган. Ушбу ҳужумчи 2024/2025 йилги мавсум якунида меҳнат шартномаси муддати тугаши муносабати билан клубни тарк этганди. Дэвид Италиянинг "Ювентус" клуби билан шартнома имзолашга яқин турибди.
Жиру "Лос-Анжелес" билан МЛСдаги бир йиллик фаолиятидан сўнг Европага қайтди.













