"Ливерпуль" ўзининг расмий сайти орқали Жованни ван Бронкхорст мураббийлар штабига қўшилганини эълон қилди. 50 ёшли мутахассис Арне Слотга ассистентлик қилади.
Ван Бронкхорст ўтмишда машҳур бўлган футболчи. Мухлислар уни "Фейеноорд", "Рейнжерс", "Арсенал" ва "Барселона"даги ўйинлари орқали яхши билишади. Жованни "Бешиктош" бош мураббийлигидан кетганидан сўнг ўтган йилнинг куз охиридан бери мураббийлик ишига эга эмас эди.
Шунингдек, "Ливерпуль" дарвозабонлар мураббийи Хави Валеронинг қайтганини эълон қилди. У 2007-2010 йилларда Мерсисайд клубида ишлаган. Валеро "Вест Хэм"даги етти йиллик фаолиятидан сўнг "Ливерпуль"га қайтди.
