Клублар ўртасидаги жаҳон чемпионатининг 1/8 финалида "Реал" "Ювентус"га қарши баҳс олиб борди ва 1:0 ҳисобида ғалаба қозонди. Мбаппе учун бу турнирдаги илк ўйин бўлди - бунгача у соғлиғи билан боғлиқ муаммолар туфайли майдонга тушмаганди. Ўйиндан сўнг Килиан ижтимоий тармоқларда пост қолдирди.
"Чорак финалга етиб келдик. Оғир даврдан сўнг жамоага қайтганимдан хурсандман. Майамидаги барча мухлисларга қўллаб-қувватлаганлари учун раҳмат, бу ерда ўзимни севимли ҳис қилдим. Нью-Йоркда кўришгунча. Hala Madrid!" - деб ёзди Мбаппе.
Клублар ўртасидаги жаҳон чемпионатининг чорак финалида "Реал" "Боруссия"га қарши баҳс олиб боради. Ўйин 5 июль, шанба куни бўлиб ўтади.
