Klublar o‘rtasidagi jahon chempionatining 1/8 finalida "Real" "Yuventus"ga qarshi bahs olib bordi va 1:0 hisobida g‘alaba qozondi. Mbappe uchun bu turnirdagi ilk o‘yin bo‘ldi - bungacha u sog‘lig‘i bilan bog‘liq muammolar tufayli maydonga tushmagandi. O‘yindan so‘ng Kilian ijtimoiy tarmoqlarda post qoldirdi.

"Chorak finalga yetib keldik. Og‘ir davrdan so‘ng jamoaga qaytganimdan xursandman. Mayamidagi barcha muxlislarga qo‘llab-quvvatlaganlari uchun rahmat, bu yerda o‘zimni sevimli his qildim. Nyu-Yorkda ko‘rishguncha. Hala Madrid!" - deb yozdi Mbappe.

Klublar o‘rtasidagi jahon chempionatining chorak finalida "Real" "Borussiya"ga qarshi bahs olib boradi. O‘yin 5 iyul, shanba kuni bo‘lib o‘tadi.