Бразилия терма жамоаси ҳужумчиси Жоао Педро "Брайтон"дан "Челси"га ўтди. Бу ҳақда "Челси" расмий сайти хабар тарқатди.
"23 ёшли форвард "кўклар" билан 2033 йилгача мўлжалланган узоқ муддатли шартнома имзолади ва клублар ўртасидаги жаҳон чемпионатининг чорак финалидан ўрин олган "Палмейрас"га қарши ўйин олдидан жамоага қўшилади," - дейилади клуб баёнотида.
Аввалроқ, Жоао Педронинг "Челси"га трансфери 58,5 млн еврога тушиши хабар қилинганди. "Челси" 5 июль куни "Палмейрас"га қарши майдонга тушади.














