Ўзбекистон кубогининг нимчорак финалидан ўрин олган учрашувлар 2 июль, чоршанба куни ўтказилди.

Бугунги кунга иккита ўйин белгиланган эди. Улардан бири Тошкентда – “Пахтакор” – “Олимпик мобиуз” ўртасида кечди.

Ўйинда ҳисоб 44-дақиқада очилди. Брайан Риаскоснинг голи “шерлар”га ғалаба келтираётган эди. 66-дақиқага келиб Бунёдбек Раҳимов ҳисобни тенглаштирди. 81-дақиқада эса Риаскос дубль қайд этиб, жамоасини ҳисобда олдинга олиб чиқди.

Ўйин якунига қадар ҳисоб ўзгармади ва “Пахтакор” чорак финалга йўл олди.

Навбатдаги баҳс эса Жиззахда – “Хоразм” – “Навбаҳор” ўртасида ўтказилди. 49-дақиқада Игор Габриэль ҳисобни очган бўлса, 80-дақиқага келиб Аббосжон Ғуломов ҳисобни иккитага оширди.

83-дақиқада эса Шаҳрам Самиев ҳисобни қисқартирди. Орадан яна 4 дақиқа ўтиб Ғуломов дубль қайд этди ва наманганликларнинг ғалабасини таъминлади.

Ўзбекистон кубоги, нимчорак финал
2 июль, чоршанба
“Пахтакор” — “Олимпик мобиуз” 2:1
Голлар: Брайан Риаскос, 44 (1:0), Бунёдбек Раҳимов, 66 (1:1), Брайан Риаскос, 81 (2:1)

“Хоразм” — “Навбаҳор” 1:3
Голлар: Игор Габриэль, 49 (0:1), Аббосжон Ғуломов, 80 (0:2), Шаҳрам Самиев, 83 (1:2), Аббосжон Ғуломов, 87 (1:3)