"Тоттенхэм" марказий ҳимоячи Кристиан Ромерога нарх белгилади. Аргентиналик футболчи "Атлетико"нинг трансфер мақсади сифатида кўрилмоқда ва "матрасчилар" уни тез орада расмийлаштиришга қатъий қарор қилишган.
Diario AS хабарига кўра, "шпорлар" Ромеро учун кафолатланган тўловлар кўринишида 70 млн евро сўрамоқда, мадридликлар эса бонуслар кўринишида 55 млн ва 15 млн евро беришга тайёр.
Кристиан Ромеро ўтган мавсум "Тоттенхэм" сафида 26 та ўйинда майдонга тушди ва ўз ҳисобига 1 та гол ҳамда 2 та голли узатма ёздириб қўйишга эришди. Баҳорда 27 ёшли футболчига даъвогарлар қаторида Мадриднинг "Реал" клуби тилга олинган эди.
