"Манчестер Юнайтед" ҳужумчиси Расмус Хойлунд ёзда жамоани тарк этиши мумкинлиги маълум бўлди. "Қизил иблислар" раҳбарияти данияликнинг ўйинларидан хурсанд эмас, шунинг учун яқин ойларда у билан хайрлашиш ҳақида ўйламоқда.
Журналист Лаури Уитвеллнинг клубга яқин манбаларга таяниб ёзишича, Хойлунд "Юнайтед"да қолишдан кўра, уни тарк этишни афзал кўради, ижара эмас, тўғридан-тўғри сотиш сценарийси қабул қилиниши мумкин. Даъвогарлар орасида ҳамон Миланнинг "Интер" клуби бор.
Расмус манкунианликлар сафида жами 95 та ўйинда майдонга тушиб, 26 та гол урди ва олтита голли узатмани амалга оширди.
