2 июль куни "Лилль" клуби билан шартнома имзолаган франциялик ҳужумчи Оливье Жиру воқеа юзасидан изоҳ берди.
"Хорижий клубларда 13 йил ўйнаб, Франция чемпионатига қайтиш мен учун ажойиб имконият ва чақириқ. Мен осонроқ вариантни танлаб, бошқа мамлакатга кетишим мумкин эди, лекин мен Францияни танладим ва бундан жуда хурсандман. Менда мотивация ва иштиёқ бор, ўз ҳиссамни қўша олишимни ҳис қиляпман," - дея Жирунинг сўзларини келтиради RMC Sport.
Бунгача 38 ёшли Жиру МЛСнинг "Лос-Анжелес" клуби сафида тўп сурган. У сўнгги мавсумда 19 та ўйинда майдонга тушиб, 3 та гол урган ва 2 та голли узатмани амалга оширган.
