Миланнинг "Интер" клуби ярим ҳимоячиси Хакан Чалханўғли ёзда клубни тарк этишга тайёр.
31 ёшли футболчи "нерадзуррилар" сафини тарк этиб, "Галатасарой"га ўтмоқчи, деб хабар бермоқда журналист Яғиз Сабунчўғли. Июнь ойидаёқ турли манбалар хавбек турк гранди билан оғзаки келишувга эришгани ҳақида хабар берганди, яқинда эса "Интер" президенти Жузеппе Маротта футболчи "клубда ўйнашни истамагани" учун уни ҳеч қандай муаммосиз сотишини очиқ айтди.
"Галатасарой" "Интер" билан трансфер шартлари бўйича келишиб олиши керак. Чалхонўғлининг шартномаси икки йилдан кейин тугайди ва миланликлар уни текинга қўйиб юбормайди.
