Бразилиянинг "Фламенго" клуби қанот ҳимоячиси Уэсли фаолиятини Англия Премьер-лигасида давом эттириши мумкин. Бу ҳақда журналист Жанлука ди Марцио маълум қилди.
Манбага кўра, футболчини "Эвертон" ўз сафига қўшиб олмоқчи. Мерсисайдликлар бразилиялик футболчини олиб, "Рома"га ижарага беришни режалаштирмоқда.
Аввалроқ, матбуотда Уэсли Россия чемпионатига кўчиб ўтиши мумкинлиги ҳақида хабарлар тарқалган эди. Бразилиялик футболчига Петербургнинг "Зенит" клуби қизиқиш билдирган.













