Ярим ҳимоячи Жек Грилиш ёзги трансфер ойнасида катта эҳтимол билан "Манчестер Сити"ни тарк этади. Бу ҳақда Give me Sport журналистлари хабар бермоқда.
Манбага кўра, "шаҳарликлар" раҳбарияти 29 ёшли вингернинг трансфери масаласини мавсумолди йиғини бошланишидан олдин ҳал қилмоқчи. Transfermarkt портали баҳосига кўра, Жекнинг бозор нархи 28 миллион еврога баҳоланмоқда.
Ўтган мавсумда Грилиш "Манчестер Сити" сафида 32 та ўйинда қатнашиб, 3 та гол ва 5 та голли узатмани ўз ҳисобига ёздириб қўйди. Томонлар ўртасидаги шартнома муддати 2027 йил июнь ойи охирида тугайди.
