Футбол олами қайғуда - "Ливерпуль" ва Португалия терма жамоаси ҳужумчиси Диогу Жота даҳшатли йўл-транспорт ҳодисасида ҳалок бўлди. Фожиали хабарлардан сўнг Лондоннинг "Челси" клуби баёнот берди.
"Диогу Жота ва унинг укаси Андренинг фожиали ўлими ҳақидаги хабардан "Челси"дагиларнинг барчаси даҳшатга тушди. Бизнинг фикрларимиз ушбу ўта оғир дамда уларнинг оиласи, дўстлари ва "Ливерпуль"даги барча билан," - дейилади "Челси" баёнотида.
Диогу Жота 28 ёшида вафот этди. Португалиялик "Ливерпуль" сафида 2020 йил сентябрь ойи ўрталаридан буён тўп тепиб келаётганди. Сўнгги 2024/2025 йилги мавсумда Жота мерсисайдликлар билан Англия чемпиони бўлди.
