"Реал" ўзининг расмий сайтида "Ливерпуль" форварди Диогу Жотанинг ўлими ҳақидаги қайғули хабардан сўнг баёнот берди.
Португалиялик йўл-транспорт ҳодисасида укаси Андре билан бирга ҳалок бўлган.
"Реал", унинг президенти ва директорлар кенгаши "Ливерпуль" футболчиси Диогу Жота ва унинг "Пенафиэл"да ўйнаган укаси Андре Силва вафот этгани ҳақидаги хабардан чуқур қайғуда. "Реал" уларнинг оила аъзолари, яқинлари ва клубдаги жамоадошларига ҳамдардлик билдиради ва қўллаб-қувватлайди. "Реал" футбол олами бошидан кечираётган чуқур қайғуни баҳам кўради", - дейилади "қаймоқранглилар" баёнотида.
Диогу Жота 28 ёшда, унинг укаси Андре Силва эса 25 ёшда эди.
