"Рома" форварди Артём Довбик "Милан"га ўтиши мумкин, деб ёзади Voce Giallorossa журналист Аттилио Маленга таяниб.
"Россонерилар"нинг янги бош мураббийи Массимилиано Аллегри 28 ёшли украиналик футболчини яхши кўради ва у ўз жамоасида шундай ҳужумчи бўлишини истамоқда.
Шунга қарамай, "Милан" Довбикни ўз сафига қўшиб олиши учун ҳужумчиси Сантьяго Хименеснинг тақдирини ҳал қилиши керак. Хименесни Довбикка алмаштириш варианти бор, музокаралар аллақачон бошланган.
Бу мавсумда Довбик клуб миқёсида 45 та ўйинда 17 та гол урди ва 3 та голли узатмани амалга оширди.
