"ПСЖ" ярим ҳимоячиси Фабиан Руис ёзги трансферлар даврида клубини ўзгартириши мумкин.
Журналист Себастьен Видалнинг таъкидлашича, 29 ёшли футболчининг хизматларига Англиянинг "Манчестер Юнайтед" ва Саудия Арабистонининг "Ан-Наср" клублари қизиқиш билдирмоқда. Шу билан бирга, қайд этилишича, "ПСЖ" бош мураббийи Луис Энрике испаниялик футболчини жамоада олиб қолмоқчи.
Манбага кўра, "Манчестер Юнайтед" Парижга катта таклиф билан чиқишни режалаштираётган "Ан-Наср"дан ўзиб кетиш учун музокараларни тезлаштиришга ҳаракат қилмоқда.
Фабиан Руис 2022 йилдан бери "ПСЖ" шарафини ҳимоя қилмоқда. У бу мавсумда 58 та ўйинда майдонга тушиб, 6 та гол урди ва 11 та голли узатмани амалга оширди.
