Жума куни "Атлетик" вингер Нико Уильямс билан шартномани узайтирганини эълон қилди. Яқинда 23 ёшга тўладиган футболчи 2035 йилнинг ярмигача мўлжалланган меҳнат шартномасини имзолади.
Нуфузли инсайдер Фабрицио Романо энди Уильямсни жуда катта пул эвазига сотиб олиш мумкинлигини маълум қилди.
"Нико Уильямснинг янги шартномасига тахминан 95-100 миллион еврога сотиб олиш банди киритилган," - деб ёзди Романо ижтимоий тармоқда.
Уильямс тез орада "Барселона"га ўтиши кутилганди, аммо футболчи фаолиятини Бильбаода давом эттиришга қарор қилди.













