"Женоа" ҳимоячиси Онест Аханор "Аталанта" футболчисига айланди. Бу ҳақда жамоа расмий сайти хабар бермоқда.

17 ёшли ҳимоячининг бир итальян клубидан бошқасига ўтиши 15 миллион еврога тушди. Яна 5 миллиони генуяликларга шартноманинг зарур шартлари бажарилганда бонус сифатида тўланади.

Аханор ўтган мавсумда чап қанот ва марказий ҳимояда, шунингдек, чап қанот ярим ҳимоячиси позициясида ҳаракат қилганди. У А Серияда 6 та ўйин ўтказиб, 1 та голли узатмани амалга оширган, шунингдек, ёшлар жамоаси сафида 3 та ўйинда гол урган. У мениск жароҳати туфайли ўйинларнинг асосий қисмини ўтказиб юборди.