"Jenoa" himoyachisi Onest Axanor "Atalanta" futbolchisiga aylandi. Bu haqda jamoa rasmiy sayti xabar bermoqda.
17 yoshli himoyachining bir italyan klubidan boshqasiga o‘tishi 15 million yevroga tushdi. Yana 5 millioni genuyaliklarga shartnomaning zarur shartlari bajarilganda bonus sifatida to‘lanadi.
Axanor o‘tgan mavsumda chap qanot va markaziy himoyada, shuningdek, chap qanot yarim himoyachisi pozisiyasida harakat qilgandi. U A Seriyada 6 ta o‘yin o‘tkazib, 1 ta golli uzatmani amalga oshirgan, shuningdek, yoshlar jamoasi safida 3 ta o‘yinda gol urgan. U menisk jarohati tufayli o‘yinlarning asosiy qismini o‘tkazib yubordi.
