"Милан"нинг собиқ устози Фабио Капелло клубнинг янги бош мураббийи Массимилиано Аллегри ҳимоядаги ўйинни яхшилашига шубҳа қилмаяпти.
"Наполи" ҳақли равишда чемпионликни қўлга киритди, чунки улар энг яхши ҳимояга эга эди. Бу жуда муҳим ва Аллегри айнан шундай қила олади. У индивидуал инжиқликларга йўл қўймайди, чунки унинг назарида футбол фақат жамоавий ўйин.
Ўтган йили "Милан"да ўйинчилар ва мураббийлар ўртасида содир бўлган деярли барчасини қабул қилиб бўлмайди. Ишончим комилки, у ҳимояда ўйинни тўғри ташкил этади", - дея Капеллонинг сўзларини келтиради pianetamilan.it.
