"ПСЖ" бош мураббийи Луис Энрике клублар ўртасидаги жаҳон чемпионатининг чорак финалидан ўрин олган "Бавария"га қарши ўйин ҳақида ўз фикрларини айтди.

"Бизни дунёнинг энг кучли жамоаларидан бирига қарши ўйин кутиб турибди. Биз бу мавсумда "Бавария" билан тўқнаш келдик, рақибимизни биламиз. Бу икки ҳужумкор жамоа ўртасидаги очиқ ўйин бўлади.

Ишончим комилки, мухлислар томошадан баҳраманд бўлишади. Мақсадимиз аниқ - биз ғалаба қозонишни ва олдинга боришни истаймиз", - деди Луис Энрике матбуот анжуманида.

1/8 финалда "Бавария" "Фламенго"ни мағлуб этди (4:2), "ПСЖ" эса "Интер Майами"ни енгди (4:0).