"Ювентус" клуби ҳужумчи Душан Влахович билан шартномани бекор қилиш имкониятини кўриб чиқмоқда.
Жума куни клуб жамоага эркин агент сифатида қўшилган ҳужумчи Жонатан Дэвид билан шартнома имзолаганини эълон қилди. Tuttosport хабарига кўра, "Ювентус" ҳозирда жамоанинг энг кўп маош олувчи футболчиси Влахович билан ҳамкорликни муддатидан олдин тўхтатиш ҳақида жиддий ўйламоқда.
Турин клуби раҳбарияти маошни тушириш ва Дэвиддан ташқари яна бир ҳужумчини таклиф қилиш учун серб билан ўзаро келишув асосида шартномани бекор қилиш борасида келишиб олмоқчи.
Душан Влаҳовичнинг амалдаги шартномаси келаси йилнинг ўрталарида тугайди. Ўтган мавсумда футболчи 44 та ўйинда 17 та гол ва 5 та голли узатмани амалга оширган.
