Миланнинг "Интер" клуби дарвозабони Янн Зоммер "Галатасарой"га ўтмаслиги мумкин. Бу ҳақда журналист Руди Галетти хабар берди.
Манбага кўра, турк клуби маош талаби туфайли 36 ёшли швейцариялик футболчига бўлган қизиқишни сусайтирган. "Галатасарой" футболчининг ёшини ҳисобга олган ҳолда талаблари жуда юқори деб ҳисоблаган.
Зоммер 2023 йилда "Интер" футболчисига айланди. Жорий мавсумда у барча турнирларда 53та ўйин ўтказди, шундан 22тасида бирорта ҳам гол ўтказиб юбормади. Зоммернинг "Интер" билан амалдаги шартномаси 2026 йилнинг ўрталарига қадар тузилган. Манбага кўра, дарвозабоннинг нархи тўрт миллион еврога тенг.













