"Милан" ва "Аталанта" Лоренцо Лукка учун курашга қўшилди.
Журналист Альфредо Педулла хабарига кўра, миланликлар "Удинезе"га форвард атрофидаги вазиятга ойдинлик киритиш учун сўров юборган. Қайд этилишича, "Аталанта" ҳам Луккани кузатиб турибди.
Аввалроқ "Атлетико" 24 ёшли ҳужумчи учун трансфер таклифи билан чиқиши мумкинлиги ҳақида хабар берилганди.
"Наполи" Лукка учун курашда фаворит саналади. Клублар шу ҳафта бошида учрашишни режалаштирган.
А Сериянинг ўтган мавсумида Лукка 33 та ўйинда майдонга тушиб, 12 та гол урди ва битта голли узатмани амалга оширди.
