Аввалроқ, "Челси"нинг қанот ҳужумчиси Нони Мадуэкега Лондоннинг бошқа бир жамоаси - "Арсенал" қизиқиш билдираётгани маълум бўлганди. Футболчи трансферга тайёрлиги ҳақида хабар берилганди.
"Аристократлар" бош мураббийи Энцо Мареска вазиятга изоҳ берди:
"Нони биз учун жуда муҳим эди. Аммо футболчиларга ва клубга мурожаатим шундан иборатки, мен фақат биз билан бахтли бўлган ўйинчиларни кўришни истайман. Норози бўлганлар кетиши мумкин.
Нони мавсум давомида жуда яхши ўйнади", - деди Мареска.
Мадуэке 2024-25 йилги мавсумда 44 та ўйинда майдонга тушиб, 11 та гол урди ва 5 та голли узатмани амалга оширди.
