Шанба куни "Челси" ўз сафига янги вингерни қўшиб олганини эълон қилди. Лондон клуби Жейми Байно-Гиттенс билан 7 йиллик меҳнат шартномасини имзолади. Битим ёпилгач, 20 ёшли футболчи трансферга изоҳ берди.
"Ҳаммаси ажойиб. "Челси"дек катта клубга қўшилиш ажойиб туйғу. Мен жамоада ҳаммадан ўрганиш ва бор кучимни сарфлаш имкониятини интиқлик билан кутмоқдаман. Бу ажойиб туйғу," - деди Байно-Гиттенс.
Аввалроқ, матбуотда "Челси" Байно-Гиттенс трансфери учун "Боруссия"га 65 миллион евро тўлаши ҳақида хабар берилганди.













