"Арсенал"нинг 18 ёшли ҳужумкор ярим ҳимоячиси Итан Нванери "Челси"га ўтиши мумкин. Бу ҳақда журналист Фабрицио Романо Х ижтимоий тармоғида хабар берди.
Манбага кўра, "кўклар" футболчи "канонирлар" билан шартномани узайтирмаган тақдирдагина унинг трансфери устида иш бошлайди. Хавбекнинг лондонликлар билан амалдаги меҳнат шартномаси 2026 йилнинг ёзига қадар мўлжалланган. Қайд этилишича, Нванери ва "Арсенал" ҳамкорликни давом эттиришни муҳокама қилмоқда, аммо футболчи ўйин вақти борасида кафолат олишни истамоқда.
Ўтган клуб мавсумида 37 та ўйинда Итан Нванери 9 та гол урди ва 2 та голли узатмани амалга оширди. "Арсенал" АПЛнинг ўтган мавсумида 2-ўринни эгаллади.
