"Галатасарой" Миланнинг "Интер" клуби ярим ҳимоячи Хоқон Чалханўғлу учун трансфер таклифини юборди. Бу ҳақда L'Équipe нашри хабар бермоқда.
Манба берган хабарга кўра, футболчи келаси мавсумда "нерадзуррилар" сафида ўйнашига ишончи комил эмас. Ўтган ёзда ярим ҳимоячи "Бавария"га ўтиши мумкин эди, аммо футболчи ва Милан раҳбарияти бу келишувдан воз кечишга қарор қилишди. Ҳозирги вазият сезиларли даражада фарқ қилади.
Ўтган мавсумда 31 ёшли ярим ҳимоячи барча мусобақаларда 47та ўйинда иштирок этиб, 11та гол урган ва 8та голга ассистентлик қилган. Футболчининг клуб билан амалдаги меҳнат шартномаси 2027 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор нархи 35 миллион еврони ташкил қилади.
