АҚШнинг Атланта шаҳридаги «Мерседес-Бенц Стэдиум» стадионида Клублар ўртасидаги жаҳон чемпионати мусобақасининг чорак финал учрашуви бўлиб ўтди. Унда Франциянинг “ПСЖ” жамоаси Германиянинг “Бавария” клубини 2:0 ҳисобида мағлуб этди.

Биринчи бўлимда ҳисоб очилмади. Ўйин тақдирини ҳал қилган голлар эса ўйин сўнгида урилди. Парижликлар сафида голлар муаллифлари Дезире Дуэ ва Усман Дембеле бўлди. Иккинчи гол жамоа 9 нафар футболчи билан ҳаракат қилаётган пайтда уришди. Учрашувнинг сўнгги қисмларида ПСЖ футболчилари Вильям Пачо ва Лукас Эрнандес тўғридан-тўғри қизил карточка олиб майдонни тарк этишди.

Ярим финалда ПСЖ “Реал” — “Боруссия” (Дортмунд) жуфтлиги ғолиби билан куч синашади. Бу ўйин Тошкент вақти билан соат 01:00 да бошланади.

Клублар ўртасидаги жаҳон чемпионати — 2025. 1/4 финал
2025 йил 5 июль, шанба.
ПСЖ (Париж, Франция) – “Бавария” (Мюнхен, Германия) - 2:0
Голлар: 1:0 — Дезире Дуэ, 78; 2:0 — Усман Дембеле, 90+6.
Қизил карточкалар: Пачо — 82, Эрнандес — 90+2-дақиқа (иккиси — “ПСЖ”).