Мадриднинг "Реал" клуби марказий ҳимоячиси Дин Хёйсен клублар ўртасидаги жаҳон чемпионатининг 1/4 финалидан ўрин олган "Боруссия" Дортмундга қарши ўйинда (3:2) қизил карточка олди.
Иккинчи бўлимга қўшиб берилган 5-дақиқада 20 ёшли испаниялик футболчи жарима майдони ичидаги фол ва қизил карточка эвазига Серу Гирассининг гол уришига йўл қўймади. "Асаларилар" ҳужумчиси барибир пенальтини аниқ амалга ошириб, дарвозани ишғол қилди, аммо ғалаба "Реал"да қолди - 3:2. Дисквалификация туфайли Хёйсен "ПСЖ"га қарши ярим финалда ўйнай олмайди.
"Бутун жамоа аъло даражада ўйнади. Қизил карточка туфайли кейинги ўйинни ўтказиб юборишга мажбур бўлганим учун узр сўрамоқчиман. Hala Madrid!" - деб ёзди футболчи ижтимоий тармоқларда.
"Реал" ва "ПСЖ" ўртасидаги баҳс 9 июль куни бўлиб ўтади.
