"Ювентус" ярим ҳимоячи Дуглас Луис билан хайрлашишга қарор қилди.
Бразилиялик футболчи Италиядаги дебют мавсумини муваффақиятсиз ўтказди ва энди "кекса синьора" раҳбарияти уни сотувга қўйишга қарор қилди, деб хабар бермоқда журналистлар Маттео Моретто ва Фабрицио Романо. Футболчига бу ҳақда хабар берилган ва тез орада янги клуб топишни сўрашган.
Дуглас Луис учун асосий даъвогарлар "Фулхэм" ва "Эвертон" ҳисобланади, шунингдек, 27 ёшли хавбекни "Манчестер Юнайтед" ўз сафига қўшиб олиш имкониятини кўриб чиқмоқда.
Transfermarkt портали футболчининг нархини 30 млн еврога баҳоламоқда. Ўтган йилнинг ёзида "Ювентус" уни "Астон Вилла"дан 50 млн евродан кўпроққа сотиб олган эди.
