Миланнинг "Интер" клуби трансфер бозорида Янн Зоммерни алмаштириш вариантларини ўрганмоқда. Швейцариялик ёзда клубни тарк этиши мумкин - унга Туркиянинг "Галатасарой" клуби қизиқиш билдирмоқда. Журналист Николо Скиранинг маълум қилишича, 36 ёшли фахрийга ўринбосар сифатида "Аталанта" футболчиси Марко Карнесекки кўрсатилган. "Нерадзуррилар" вакиллари аллақачон 25 ёшли италиялик футболчини сўраб мурожаат қилишган.

Transfermarkt экспертларининг баҳолашича, Карнесеккининг нархи 25 млн еврони ташкил этади. Миш-мишларга ишонадиган бўлсак, дарвозабонга "Манчестер Юнайтед" ҳам қизиқиш билдирган. Футболчининг "Аталанта" билан меҳнат шартномаси 2028 йилнинг ярмигача мўлжалланган.