"Челси"нинг ўнг қанот вингери Нони Мадуэке "Арсенал"га ўтишга яқин турибди, дея хабар бермоқда инсайдер Фабрицио Романо.
Лондонликлар 23 ёшли англиялик футболчи билан шахсий шартнома борасида келишувга эришганидан сўнг, унинг трансфери бўйича илк расмий таклифни беришга тайёрланмоқда.
Қайд этилишича, Мадуэке футболчининг лагери томонидан маъқулланган, 2030 йилнинг июнигача амал қиладиган беш йиллик шартномага рози бўлган.
2023 йилнинг қишида "Челси" Мадуэке учун ПСВга 35 миллион евро тўлади. У ўтган мавсумда 41 та ўйинда 11 та гол ва 4 та голли узатмага муаллифлик қилган.
