"Бавария"нинг ҳужумкор ярим ҳимоячиси Жамол Мусиала жиддий жароҳат олиб, узоқ муддатга сафдан чиқди. Мюнхен клуби спорт директори Макс Эберль футболчининг аҳволи ҳақида фикр билдирди.
"Бу оғир жароҳат ва узоқ вақт давомида ўйнамаслик Жамол ва барчамиз учун ҳақиқий зарба бўлди. Бу "Бавария"га қаттиқ таъсир қилди. Жамол бизнинг ўйинимиз учун қанчалик муҳим эканлигини ва у жамоамизда қандай марказий рол ўйнашини ҳамма билади", - дея Эберлнинг сўзларини келтирган "Бавария" сайтида.
Шанба куни “Бавария” клуби клублар ўртасидаги Жаҳон чемпионати чорак финалида “ПСЖ”га 0:2 ҳисобида мағлуб бўлди.
