"Копенгаген" вингери Руни Бардгджи "Барселона"га ўтади. 19 ёшли футболчи трансферни якунлаш учун зарур бўлган тиббий кўрикларнинг биринчи қисмидан муваффақиятли ўтди, дея хабар беради инсайдер Фабрицио Романо.
Клублар келишувнинг асосий деталлари бўйича келишиб олишган. “Блауграна” истиқболли швед учун 2 миллион евро тўлайди. Трансфер шу ҳафта амалга ошиши кутилмоқда.
Янги келган футболчи мавсумолди босқичини "Барселона"нинг асосий жамоаси билан ўтказади, шунда мураббий Ханс-Дитер Флик ва спорт директори Деку унинг имкониятларини баҳолай олади. Кейин футболчи тажриба орттириш учун Каталония грандининг иккинчи жамоасига кетиши мумкин.
