"Копенгаген"нинг 19 ёшли вингери Руни Бардагжи "Барселона" футболчисига айланади. Инсайдер Фабрицио Романо хабарига кўра, швециялик ҳужумчи "кўк-анорранглилар"нинг асосий жамоаси билан Осиё турнесига чиқади.
Манба берган хабарга кўра, Бардагжини зудлик билан асосий таркибга қўшиш қарорига "кўк-анорранглилар" бош мураббийи Ханс-Дитер Флик ва спорт директори Декунинг футболчининг имкониятларига ишониш сабаб бўлган. "Копенгаген" ва "Барселона" ўртасидаги келишув аллақачон келишиб олинди.
Қайд этилишича, 19 ёшли иқтидор соҳибининг трансфери ҳақидаги расман эълон кейинги ҳафтада бўлиб ўтади. Аввалроқ, футболчи шартнома имзолашдан аввал тиббий кўрикдан ўтган эди.
