Франциянинг "ПСЖ" клуби вингери Дезире Дуэ "Бавария" ярим ҳимоячиси Жамол Мусиаланинг жиддий жароҳати ҳақида гапирди.
"Ғалаба бизни хурсанд қилди, аммо Мусиаланинг жароҳати жуда хафа қилди. Бу бизга кийиниш хонасида таъсир қилди. Биз уни қўллаб-қувватлаймиз. Умид қиламанки, у тезроқ соғайиб кетади", - деди франциялик футболчи ижтимоий тармоқлардаги саҳифасида.
Эслатиб ўтамиз, Мусиала "ПСЖ" дарвозабони Жанлуижи Доннарумма билан тўқнашувда оёғини синдириб олганди. Жамол жароҳати туфайли 2025 йилда бошқа майдонга тушмайди. Ўйин парижлик гранднинг 2:0 ҳисобидаги ғалабаси билан якунланди. "ПСЖ" клублар ўртасидаги жаҳон чемпионати ярим финалида "Реал"га қарши ўйнайди.
