Ла Лига раҳбарияти "Реал"нинг биринчи тур доирасидаги "Осасуна"га қарши ўйинни қолдириш бўйича сўровини қондирмоқчи эмас.
Ўйин 19 август кунига белгиланган. "Қаймоқранглилар" вакиллари клублар ўртасидаги жаҳон чемпионатидаги иштироки туфайли жамоада чемпионат стартига тўлиқ тайёргарлик кўриш учун жуда кам вақт бўлишига ишониб, учрашувни бошқа вақтга кўчиришмоқчи. El Larugero хабарига кўра, Ла Лигада "Реал"нинг биринчи турдаги ўйинини дастурдан чиқариб ташлашмоқчи эмас ва бунга икки омил далил сифатида келтирилмоқда: биринчидан, ўйинлар ўртасидаги мажбурий уч ҳафталик интервалга риоя қилинади, иккинчидан - КЎЖЧ ярим финалига чиққан "ПСЖ" ва "Челси" ҳам бундай эътироз билдирмаган.
Клублар ўртасидаги жаҳон чемпионатининг 1/2 финалида "Реал" "ПСЖ"га қарши баҳс олиб боради. Учрашув 9 июль куни бўлиб ўтади.













