"Интер Майами" Мадриднинг "Атлетико" клуби ярим ҳимоячиси Родриго де Паулни ўз сафига қўшиб олишга уриниб кўради. 31 ёшли аргентиналик футболчи терма жамоадаги шериги Лионель Месси билан бир клубда тўп тепишни истамоқда, бу эса флоридаликларнинг вазифасини анча осонлаштириши мумкин. Бундан ташқари, келаси йилнинг ёзида хавбекнинг "матрасчилар" билан шартномаси якунланади.
Журналист Николо Скиранинг ёзишича, "Атлетико" Родриго де Паул билан шартномани узайтирмасликка қарор қилган. Шу тариқа, футболчи жорий трансфер ойнасида пасайтирилган нархда харид қилиниши мумкин. "Интер Майами" эса жаҳон чемпионига 2027 йилнинг охиригача мўлжалланган шартнома таклиф қилмоқда.













