"Inter Mayami" Madridning "Atletiko" klubi yarim himoyachisi Rodrigo de Paulni o‘z safiga qo‘shib olishga urinib ko‘radi. 31 yoshli argentinalik futbolchi terma jamoadagi sherigi Lionel Messi bilan bir klubda to‘p tepishni istamoqda, bu esa floridaliklarning vazifasini ancha osonlashtirishi mumkin. Bundan tashqari, kelasi yilning yozida xavbekning "matraschilar" bilan shartnomasi yakunlanadi.
Jurnalist Nikolo Skiraning yozishicha, "Atletiko" Rodrigo de Paul bilan shartnomani uzaytirmaslikka qaror qilgan. Shu tariqa, futbolchi joriy transfer oynasida pasaytirilgan narxda xarid qilinishi mumkin. "Inter Mayami" esa jahon chempioniga 2027 yilning oxirigacha mo‘ljallangan shartnoma taklif qilmoqda.
