"Наполи" ҳужумчиси Виктор Осимхен учун курашда "Галатасарой" таслим бўлмаяпти.
Яқинда турк клуби 26 ёшли футболчи учун 60 млн евро таклиф қилган, аммо рад жавобини олганди. Инсайдер Фабрицио Романонинг янгиланган маълумотига кўра, истанбулликлар юлдуз ҳужумчига янги таклиф билан чиқади. Тез орада музокаралар давом эттирилади.
Виктор Осимхеннинг шартномасида 75 млн евро товон пули кўрсатилган - "Наполи" нигерияликни сотиш орқали айнан шунча пул ишлаб олмоқчи. Футболчига Саудия Арабистонининг "Ал-Ҳилол" ва Туриннинг "Ювентус" клублари ҳам қизиқиш билдирган эди.
Осимхен ўтган мавсум "Галатасарой" сафида ижара асосида тўп тепган эди.
