"Бавария" футболчиси Жамал Мусиала яқинда олган оғир жароҳатидан сўнг операция қилинди. 22 ёшли ҳужумкор ярим ҳимоячи клублар ўртасидаги жаҳон чемпионати чорак финали доирасида "ПСЖ" дарвозабони Жанлуижи Доннарумма билан тўқнашиб кетди. Кейинчалик немиснинг кичик болдир суяги синганлиги аниқланди.
Бугун Мусиала операцияни муваффақиятли ўтказди, дея хабар бермоқда "Бавария" матбуот хизмати. Эртадан бошлаб футболчи реабилитация курсини бошлайди. Маълумотларга қараганда, мюнхенликлар тўрт-беш ой давомида ёш юлдузсиз ҳаракат қилишига тўғри келади.
"Бавария"нинг "ПСЖ" билан ўйини немис жамоасининг мағлубияти билан якунланди - 0:2.
