Дарвозабон Андре Онана "Манчестер Юнайтед"ни тарк этиши мумкинлиги ҳақидаги миш-мишлар ҳозирча аниқ тасдиқланмаган.
29 ёшли камерунлик футболчининг сотилиши эҳтимоли ҳақида анчадан бери гап-сўзлар юрибди, аммо трансфер ойнасининг дастлабки кунларида дарвозабонга у қадар қизиқиш кузатилмаяпти. Журналист Жеймс Декернинг маълум қилишича, "қизил иблислар" бош мураббийи Рубен Аморим вазиятга хотиржамлик билан қарамоқда. Португалиялик Онанани бошқа кипер билан алмаштиришга интилмаяпти, аммо унинг асосий таркиб учун курашда жиддий рақиби бўлишини хоҳлайди.
Ўтган мавсумда Андре Онана "Манчестер Юнайтед" сафида барча мусобақаларда 50 та баҳсда 65 та гол ўтказиб юборган.
