"Челси" бош мураббийи Энцо Мареска клублар ўртасидаги жаҳон чемпионати ярим финалидан ўрин олган "Флуминенсе"га қарши ўйин олдидан тақвимдаги тиғизлик ҳақида гапирди.
Лондонликлар сешанба куни бразилиялик рақиби билан ўйнайди. Ўйин Тошкент вақти билан 00:00да бошланади.
"Бу мавсумда 63 та ўйин ўтказдик. Европа жамоалари анча кам ўйнаган Жанубий Америка жамоалари билан солиштирганда бутунлай бошқача шароитда," - деди италиялик матбуот анжуманида.
"Аммо "Флуминенсе" худди шу даврда 70 та ўйин ўтказди," - дея жавоб берди журналист.
Мареска бир оғиз ҳам сўз айтмай, бош ирғаб қўя қолди.
