"Арсенал" ҳужумчи Виктор Дьёкерешни ўз сафига қўшиб олишни жуда хоҳламоқда. "Канонирлар"нинг нияти жиддийлигини клуб спорт директори Андреа Берта "Спортинг" билан музокаралар ўтказиш учун Португалияга учиб кетгани тасдиқлади. Бу ҳақда BBC сайтида маълум қилинган.

Қайд этилишича, битим ёпилиш арафасида. Унинг нархи тахминан 70 миллион фунт (тахминан 81 миллион евро) бўлиши мумкин.

Хабарингиз бор, "Арсенал" ўтган мавсум давомида ҳужум чизиғида кадрлар масаласида муаммоларга дуч келган эди. Ҳатто Микель Мерино ҳам номинал ҳужумчи позициясида ўйнашига тўғри келган эди - у асли марказий ярим ҳимоячи.

27 ёшли Дьёкереш ўтган мавсумда 52 та ўйинда 54 та гол урган.