"Фенербахче" ўз таркибини кучайтиришга интилмоқда. Бир кун аввал турк клуби "Ан-Наср"дан Жон Дуранни ижарага олганини эълон қилганди. Кўриниб турибдики, бу битим билан "канарейкалар"нинг иштаҳаси чекланиб қолмаган.
La Gazzetta dello Sport хабарига кўра, "Фенербахче" "Удинезе" ҳужумчиси Алексис Санчесга қизиқиш билдирмоқда. Турк клуби 36 ёшли футболчига 4 миллион евро маош билан бир мавсумлик шартнома таклиф қилишга тайёр. Келишувга Санчес ўйинларнинг 70 фоизида ёки 15 та самарали ҳаракат амалга оширганда уни узайтириш имконияти киритилиши мумкин.
Алексис Санчеснинг "Удинезе" билан амалдаги меҳнат шартномаси 2026 йилнинг ярмигача мўлжалланган.
"Фенербахче" бош мураббийи Жозе Моуриньо "Манчестер Юнайтед"да Алексис Санчес билан бирга ишлаганди.
